Thak gye the yuhin chalte chalte
Iss bhag daud bhari jindagi mein
Kitni hi baar girte sambhalte
Na jaane kitne hi pathik aage nikal gaye
Nhi maloom kitno ko hum peeche chor aye
Bas ab thak gaye akele
Yuhin tanha chalte chalte
Samjhaya khud ko humne
zara sa tham to ja pagle
Ruk ja, tanik bhar vishram to karle
Ab thak gye hain bas yuhin chalte chalte
Thoda aram to kar,
thodi baatein to kar
Akela hai to kya gum hai
Khud se hi guft-gooh tu karle
Zara thahar to ja,
soch vichar to kar le
Akhir jana kahan hai
Manzil ka samadhan to karle
Par iss chanchal mann ko samjhaye kaun
Thak kar rookna bhi zaruri hai
Ye batlaye kaun
Banwara sa iss Zindagi ke shor mai
Nikal pada hai tanha hi
Na jaane kis daud me
Hum to bas ye kehte hi reh gye
Thak gye hain ab yuhin chalte chalte
Iss bhag daud bhari jindagi mein
Kitni hi baar girte sambhalte